ఆంధ్రభారతి - తాళ్లపాక అన్నమాచార్య కీర్తనలు - మఱి నేను వేడుకతో మాఁటలెల్లా నాడేఁగాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1936-2
సంపుటము: 29-152

తాళ్లపాక అన్నమాచార్య

రాగము: పాడి

మఱి నేను వేడుకతో మాఁటలెల్లా నాడేఁగాని యెఱుకగా నీ విప్పుడే యెఱిఁగించి రావే	॥పల్లవి॥
బత్తి నాపైఁ గలఁదో పరాకై తా నున్నాఁడో చిత్తము దెలిసిరావే చెలియా హత్తిన చుట్టరికము లన్నియును విన్నవించి కొత్తఁగా వలపు తలకొనఁజేసి రావే	॥మఱి॥
యెడయ కిందు వచ్చీనో యేమని యానతిచ్చీనో అడియాల మిటు దేవే అతివ వొడఁబాటులన్నియును వొద్దికతో నెచ్చరించి వుడివోని తరితీపు లొనగూర్చి రావే	॥మఱి॥
చేరి వాకిట నున్నాఁడో సింగారించుకొనీనో నేరుపుతో దోడితేవే నెలఁత యీరీతి శ్రీవేంకటేశుఁ డిదిగో నన్ను నేలె గారవాన నిన్నీ దారుకాణింతు రావే	॥మఱి॥