ఆంధ్రభారతి - తాళ్లపాక అన్నమాచార్య కీర్తనలు - ఎంతని పొగడేమమ్మా యిటువంటి సొబగులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1936-3
సంపుటము: 29-153

తాళ్లపాక అన్నమాచార్య

రాగము: దేసాళం

ఎంతని పొగడేమమ్మా యిటువంటి సొబగులు యింతులలో నెంచిచూడ నీపెకే తగును	॥పల్లవి॥
చన్ను లెంత గనమే జవరాలికి । యీ - కన్నులతీరు చూడరే కాంతలాల పున్నమచంద్రుఁడుగదె పొలఁతి మోము యిన్నేసి సింగారాలు యీపెకే తగునే	॥ఎంత॥
తురు మెంత వొప్పిదమే తొయ్యలికిని । తన - కరముల చెలువము గంటిరటరే మరునివిండ్లేకదే మంచి బొమలు ఇరవైన చక్కఁదనా లాపెకే తగునే	॥ఎంత॥
నడు మెంత వొరపే నలినాక్షికి । చిన్ని - యడుగుల చిగురుల యందమేకదే అడరి శ్రీవేంకటేశు నలమేల్మంగ । యీ - యెడయని ముచిపెము లీపెకే తగునే	॥ఎంత॥