ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడు నేరిచెనో యింతేసి దంటతనాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1936-5
సంపుటము: 29-155

తాళ్లపాక అన్నమాచార్య

రాగము: బౌళి

ఎన్నఁడు నేరిచెనో యింతేసి దంటతనాలు కన్నుల పండువుగాను కంటి మీకె చేఁతలు	॥పల్లవి॥
సేసవెట్టి పెండ్లాడిన చెలి నీవద్ద నుండఁగా ఆస లేమి చూపీనే ఆకె నీకును వాసివంతులెంచుకోదు వల పారడిఁబెట్టుక వేసాలెల్లాఁ జేయఁగాను వెరగాయ నాకు	॥ఎన్నఁ॥
కాఁపురము సేసీ ఇంతి కదిసి సేవసేయఁగా ఆడలేక మాటలాడీ నప్పటిఁ దాను యీపె తగ వెఱఁగక యెమ్మెలఁ బొరలుకొంటా పూఁపనవ్వులు నవ్వీని పొద్దువోదోకాని	॥ఎన్నఁ॥
పట్టపు టలమేల్మంగ పాదాలు నీ కొత్తఁగాను యెట్టు నీతోఁ బొందుసేసీ నెంత చుట్టమో యిట్టె శ్రీవేకంటేశ ఇందరి నీ వేలితివి చుట్టి నిన్నుఁ గాఁగిలించీ చూడు మెంతసోద్యము	॥ఎన్న॥