ఆంధ్రభారతి - తాళ్లపాక అన్నమాచార్య కీర్తనలు - నీకును నాపెకుఁ దగు నేము విన్నవించేదేమీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1936-6
సంపుటము: 29-156

తాళ్లపాక అన్నమాచార్య

రాగము: లలిత

నీకును నాపెకుఁ దగు నేము విన్నవించేదేమీ జోకతోడ నీకె మోము చూచి నవ్వవయ్యా	॥పల్లవి॥
మనసు లెనసినట్టి మాఁట లెవ్వరికైనాను విన వేడుకేకాని వెగటుగాదు వనిత నిన్నేమనినా వక్కణ లడుగవద్దు చనవిచ్చి మెచ్చి మెచ్చి సంతోసించవయ్యా	॥నీకు॥
చెల్లుబడియైనట్టి మాఁట లెవ్వరికైనాను యెల్లవారి కింపేకాని యెరపు కాదు వొల్లనే గోరనొత్తితే నొడ్డుకో నంతేసి చెల్లుబడి సేసుకొని చెక్కునొక్కవయ్యా	॥నీకు॥
పొందుగలిగినచోట పూఁచి యెంత పెనఁగినా అందమయ్యే తోఁచుఁగాని అలపుగాదు చెందె నలమేల్మంగ శ్రీవేంకటేశ నిన్ను కందువగా మోని యిచ్చి కడు మన్నించవయ్యా	॥నీకు॥