ఆంధ్రభారతి - తాళ్లపాక అన్నమాచార్య కీర్తనలు - ఎంత గద్దో నీ యాసోద మింకాఁ జూతము కాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1937-2
సంపుటము: 29-158

తాళ్లపాక అన్నమాచార్య

రాగము: బౌళి

ఎంత గద్దో నీ యాసోద మింకాఁ జూతము కాని చెంత నాతఁ డెప్పుడూ నాచేతిలోనివాఁడు	॥పల్లవి॥
చనవునఁ బతితోను సరసము లాడేవు మనవులు చెప్పేవు మాపురాఁకాను పనివూని ఇంతటికిఁ బరవంజుకొంటివి తనివోని వలపులు తవ్వి పోసుకోవే	॥ఎంత॥
సారె సారె నవ్వుకొంటా సంగడిఁ గూచుండేవు పారుపత్యాలు సేసేవు పతిమారుగా వూరఁగల దొరతనా లొడిలఁగట్టుకొంటివి పారితెంచి పగటులు బండిఁబెట్టుకోవే	॥ఎంత॥
వుక్కుమీరి సేయరాని వూడిగాలు సేసేవు కక్కసించి గుబ్బలను కడు నూఁదేవు యిక్కడ శ్రీవేంకటేశుఁ డిన్నిటాను నన్ను నేలె తక్కక నీ కోరికలు తలకెత్తుకోవే	॥ఎంత॥