ఆంధ్రభారతి - తాళ్లపాక అన్నమాచార్య కీర్తనలు - ఇంకానేల యెడమాఁట లింతితోడను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1937-6
సంపుటము: 29-162

తాళ్లపాక అన్నమాచార్య

రాగము: భైరవి

ఇంకానేల యెడమాఁట లింతితోడను లంకెలాయ నిద్దరికి లాలించవయ్యా	॥పల్లవి॥
మొక్కలాన నీసుద్దులు మునుపనె వినెఁ జెలి చక్కఁగా నీతోనాడఁజాలదుగాని అక్కర నీమతకము లడచుకొన్నది యింత చెక్కు నొక్కి వేఁడుకొంటేఁ జెప్పీ వినవయ్యా	॥ఇంకా॥
అగడైన నీ చేఁత లన్నియు నెరుఁగుఁ జెలి తగవు దలఁచి లోలో దాఁచీఁగాని మొగమోటమున నీకు మొక్కుచుఁ గొంకీఁగాని జిగిమించ వేఁడుకొంటేఁ జెప్పీ వినవయ్యా	॥ఇంకా॥
మచ్చికైన నీ గుణాలు మరిగివున్నది చెలి యెచ్చరించలేక కానుకిచ్చీఁ గాని యిచ్చట శ్రీవేంకటేశ యీకె నిట్టె యేలితివి చెచ్చెర వేఁడుకొంటేను చెప్పీ వినయయ్యా	॥ఇంకా॥