ఆంధ్రభారతి - తాళ్లపాక అన్నమాచార్య కీర్తనలు - అట్టె నిన్నుఁ జూచి చూచి అరుదందేరు చెలులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1938-5
సంపుటము: 29-167

తాళ్లపాక అన్నమాచార్య

రాగము: కాంబోది

అట్టె నిన్నుఁ జూచి చూచి అరుదందేరు చెలులు నెట్టన నీ యెమ్మెలెల్లా నెరపేవు నీవు	॥పల్లవి॥
మొక్కలపుఁ జేఁతలును మొసగస మాఁటలును యెక్కడ నేరిచితివే యింతేసి నీవు చెక్కునఁ బెట్టిన చేయి సెలవుల నవ్వులను గక్కన నప్పటి నెందు గడియించుకొంటివే	॥అట్టె॥
నిడువాలుఁ జూపులును నిక్కుబొమ్మ జంకెనలు గుడిగొన నెందు దెచ్చుకొంటివే నీవు వెడజారఁబయ్యెదయు వీడియు వీడని కొప్పు అడియాలా లన్నియును నమరెనే నీకు	॥అట్టె॥
వుప్పతిలు రాజసాలు వులివచ్చి సిగ్గులను యిప్పుడెందుఁ జదివితి వింతేసి నీవు అప్పుడు శ్రీవేంకటేశుఁ డలమేల్మంగను నేను నెప్పున నన్నేల మరి నీ వెన్నటిదానవే	॥అట్టె॥