ఆంధ్రభారతి - తాళ్లపాక అన్నమాచార్య కీర్తనలు - ఎన్నటి చుట్టరికమో యీపెకు నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1938-6
సంపుటము: 29-168

తాళ్లపాక అన్నమాచార్య

రాగము: దేసాళం

ఎన్నటి చుట్టరికమో యీపెకు నీకు నన్ను నేలితి విపుడు నమ్మించి యిన్నిటాను	॥పల్లవి॥
చెనకి చెనకి నీతో చిరునవ్వు నవ్వుకొంటా మనవు లెంత చెప్పీని మగువ గునిసి గునిసి సిగ్గు కుప్పలు వోసుకొంటా పెనఁగులాడె నప్పటి పెక్కుచందములను	॥ఎన్న॥
జరసి జరసి మోవి చవులు వుట్టించుకొంటా మరగులేల పెట్టీని మాఁటలలోన కరఁగి కరఁగి బత్తి కానుకలు వట్టుకొంటా గురుతులెట్టు చూపీని గుబ్బలపై నీకు	॥ఎన్న॥
తగిలి తగిలి మొక్కి తమకము రేఁచుకొంటా మొగమేమి చూపీ నీముందరనుండి జిగి నలమేల్మంగను శ్రీవేంకటేశ యేలితి - విగురుఁబోఁడి నీ కీపె నిల్లాలయి వున్నది	॥ఎన్న॥