ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడు నెఱఁగమమ్మా ఇటువంటిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1939-1
సంపుటము: 29-169

తాళ్లపాక అన్నమాచార్య

రాగము: కాంబోది

ఎన్నఁడు నెఱఁగమమ్మా ఇటువంటిది సన్నపుఁ బులకలెల్లా జాజుకొనెనే	॥పల్లవి॥
వుప్పతిల్లు వేడుకతో వొద్దఁ గూచుండి యీతఁడు చెప్పరానిమాఁటలాడీఁ జెవిలోనను చిప్పిలి మనసు చొక్కి చెమరించె మేనెల్లా ఇప్పు డిదివో చెలియా ఇది యేటిదే	॥ఎన్నఁ॥
ఆయములు సోఁకించి యట్టె పచ్చడము గప్పి సేయరాని చేఁత సేసె చేతులు చాఁచి పాయపు మదము రేఁగి పక్కనఁ గుచ్చెల జారె యేయెడఁ గన్నది గాదు యెట్టి కొత్తలే	॥ఎన్నఁ॥
వువ్విళ్ళూరఁ బెనఁగుతా నుద్దండానఁ బానుపుపై నవ్వరాని నవ్వు నవ్వీ నాతోడను చివ్వన నలమేల్మంగ శ్రీవేంకటేశుఁడు నన్ను యివ్వల మన్నించి యేలె యిఁక నే నేమందునే	॥ఎన్నఁ॥