ఆంధ్రభారతి - తాళ్లపాక అన్నమాచార్య కీర్తనలు - ఎంత బాఁతేయనో నీకు యీపెతోడి పొందులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1939-5
సంపుటము: 29-173

తాళ్లపాక అన్నమాచార్య

రాగము: హిజ్జిజి

ఎంత బాఁతేయనో నీకు యీపెతోడి పొందులు చెంతనున్న వారికెల్లాఁ జెప్పఁ గొత్తలాయను	॥పల్లవి॥
వెక్కసపు మాఃటలాడి వేడుకలు వెడరేఁచి చెక్కు నొక్కి వేఁడుకొని చెలియ నిన్ను వొక్కటనే కూడపోసె నుందండాలు వినయాలు తక్కరితనా లివెల్లా తనకే తగును	॥ఎంత॥
గోరికొన నిన్ను నూఁది గుట్టున నప్పటి నీకు సారెకు మోవితేనెలు చవి చూపీని కూరిమితో దండ గుచ్చి కుచ్చితము మచ్చికయు దారకపుచేఁత లివి తనకే తగును	॥ఎంత॥
బొమ్మలను జంకించి పొంచి కాఁగిటనుఁ గూడి చిమ్ముచు నలమేల్మంగ శ్రీవేంకటేశ సమ్మతుల జంటసేసీ చలములు సరసాలు తమ్మికంటి యీచందము తనకే తగును	॥ఎంత॥