ఆంధ్రభారతి - తాళ్లపాక అన్నమాచార్య కీర్తనలు - అడుగరే యక్కలాల ఆతని మీరందరును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1940-3
సంపుటము: 29-177

తాళ్లపాక అన్నమాచార్య

రాగము: కాంబోది

అడుగరే యక్కలాల ఆతని మీరందరును యెడయక నన్నుఁ గావ నిదేవేళ యనవే(రే?)	॥పల్లవి॥
సన్నల నే కొసరితి సరసము లాడితి విన్నపాలెల్లాఁ జేసితి వేడుకొంటిని తన్ను దూరరాదు నాకు దయగలవాఁడు తాను యెన్నిటఁ గరఁగునే యిఁకఁ దనమనసు	॥అడు॥
చెలులచేఁ జెప్పించితి చేతులెత్తి మొక్కితి తెలియఁజెప్పితి వావి తెలదీసితి యెలమి నే వలచితి యింగిత మెఱుఁగు తాను మలసి తా నెప్పుడిఁక మన్నించీనే నన్నును	॥అడు॥
నగితిఁ దనతో నేను నమ్మిక లిప్పించుకొంటి తగిలి కాఁగిలించితి తమిరేఁచితి జిగి నలమేల్మంగను శ్రీవేంకటేశుఁడు తాను తగవుతో నన్ను నేలె తా నిఁక నేమనీనే	॥అడు॥