ఆంధ్రభారతి - తాళ్లపాక అన్నమాచార్య కీర్తనలు - చెలియ నా విన్నపాలు చిత్తానఁ బెట్టుమనవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1940-4
సంపుటము: 29-178

తాళ్లపాక అన్నమాచార్య

రాగము: ఆహిరి

చెలియ నా విన్నపాలు చిత్తానఁ బెట్టుమనవే మలసి న న్నేకాలమూ మన్నించుమనవే	॥పల్లవి॥
యిచ్చక మాడుదుఁగాని యేమిటా వెంగెములాడ కొచ్చి కొసరుదుఁగాని కోపగించను పచ్చిగి నవ్వుదుఁగాని పంతములు నెరపను తచ్చి తచ్చి నా గుణాలు తా నెరుఁగుననవే	॥చెలి॥
వాడిక చూపుదుఁగాని వాసి వంతు లెంచను వేడుకలు వెంతుఁగాని వేసారను వూడిగాలు సేతుఁగాని వుదుటున జంకించను యీడు జోడైన నా బత్తి యెంచిచూడుమనవే	॥చెలి॥
చేరి కాఁగిలింతుఁగాని సిగ్గులు మరఁగుసేయ గారవింతుఁగాని మరి గయ్యాళించను యీరీతి శ్రీవేంకటేశుఁ డే నలమేలుమంగను తారుకాణగా నన్నేలె తలఁచుకొమ్మనవే	॥చెలి॥