ఆంధ్రభారతి - తాళ్లపాక అన్నమాచార్య కీర్తనలు - నిన్నుఁ బాయఁగలఁడటే నిమిషమైనా నీతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1940-5
సంపుటము: 29-179

తాళ్లపాక అన్నమాచార్య

రాగము: పాడి

నిన్నుఁ బాయఁగలఁడటే నిమిషమైనా నీతఁడు వున్నతి నీ కతలనే వోలలాడు నీతఁడు	॥పల్లవి॥
తాపపు విరహమేలే తలవంచుకొననేలే నీపై బత్తిఁగలఁడు నీమగఁడు మాపు దాఁకా చింతలేలే మమ్ము నింతడుగనేలే యేపొద్దు నీ గుణములే యెంచుకొను నీతఁడు	॥నిన్నుఁ॥
లేకలు వాయించనేలే లేమల నంపఁగనేలే వాకిటికి నింతలోనే వచ్చె నీతఁడు జోకతో సగినాలేలే చూచి తమకించనేలే నీకుఁగానే యాకారు నిచ్చ నిచ్చా నీతఁడు	॥నిన్నుఁ॥
చెక్కిటిచే యిఁకనేలే సిగ్గులు వడఁగనేలే ఇక్కడ శ్రీవేంకటేశుఁ డేలె నిన్నును మొక్కులు మొక్కఁగనేలే ముసిముసినవ్వులేలే మక్కువ నీ రతులే మరిగినాఁ డీతఁడు	॥నిన్నుఁ॥