ఆంధ్రభారతి - తాళ్లపాక అన్నమాచార్య కీర్తనలు - తనంటిదాననా తరుణి నింతే నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1940-6
సంపుటము: 29-180

తాళ్లపాక అన్నమాచార్య

రాగము: లలిత

తనంటిదాననా తరుణి నింతే నేను పనివూని నాతో నేల పంతములాడీనే	॥పల్లవి॥
చిగురువంటిది మోవి చెప్పి చూపె నంటిమా నగవు వెన్నెలలోని నామువంటిది మొగులువంటిది కొప్పు ముడుచుకున్నారము జిగిమించి మమ్ము నేల చెనకీనే తాను	॥తనం॥
తలపోయ మా మొగము తామరపూవువంటిది బలుచన్ను లివి నిమ్మపండ్లవంటివి తొలుతనే యివె మా చేతులు తీఁగెలవంటివి చలముల మాతో నేల సాములు సేసీనే	॥తనం॥
రయమున మా తొడ లరఁటి కంభాలవంటివి బయలువంటిదివో చెప్పఁగ నడుము నియతాన మన్నించి నేఁడు శ్రీవేంకటేశుఁడు దయతో నన్నేలె నేల తమకించీనే	॥తనం॥