ఆంధ్రభారతి - తాళ్లపాక అన్నమాచార్య కీర్తనలు - నేరము లెంచకుమయ్య నీ విన్నిటా ఘనుఁడవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1941-4
సంపుటము: 29-184

తాళ్లపాక అన్నమాచార్య

రాగము: శ్రీరాగం

నేరము లెంచకుమయ్య నీ విన్నిటా ఘనుఁడవు తారుకాణగా నిఁక దయసేయవయ్యా	॥పల్లవి॥
చెలిని మన్నించుమని సేసితి విన్నపాలెల్లా పలుమారు మొక్కితి నీ పాదములకు వెలయఁగఁ జెక్కునొక్కి వేఁడుకొంటిఁ జనవున తలఁచి చిత్తానఁబెట్టి దయసేయవయ్యా	॥నేర॥
పెక్కులాగులను నీకుఁ బ్రియము లిదె చెప్పితి ఇక్కడ నీచే నమ్మిక లిప్పించుకొంటి అక్కరతో నీమీఁది ఆసలెల్లా దెలిపితి తక్కక చిత్తానఁ బెట్టి దయసేయవయ్యా	॥నేర॥
చెప్పరాని వినయాలసేవల కొడిగట్టితి ముప్పిరి నీపై పదముల వాడితి ఇప్పు డిట్టె శ్రీవేంకటేశ యీకె నేలితివి తప్పక చిత్తానఁబెట్టి దయసేయవయ్యా	॥నేర॥