ఆంధ్రభారతి - తాళ్లపాక అన్నమాచార్య కీర్తనలు - వింటిమే నీ చేఁతులు వీనుల పండువగాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1942-1
సంపుటము: 29-187

తాళ్లపాక అన్నమాచార్య

రాగము: శంకరాభరణం

వింటిమే నీ చేఁతులు వీనుల పండువగాను కంటిమే మీ వొద్దికలు కన్నులు చల్లఁగాను	॥పల్లవి॥
నీటుకత్తెవు నౌదువు నేరుపరివి నౌదువు మాటలాడ వలఁతివే మగనితోను పాటించి యాతని నీవు పక్కవాయనీయవు మేటిసతులెల్లాను మెచ్చేరే నిన్నును	॥వింటి॥
దొరవూ నీ వౌదువే దొడ్డదాన వౌదువే బిరుదు గట్టుక వలపించాఁగలవే యెరవులేక యేపొద్దూ యింటఁ బెట్టుకుందానవు పొరుగిరుగులవారు పొగడేరు నిన్నును	॥వింటి॥
పంతగతైవు నౌదువే బలుదాన వౌదువే వింతలుగాఁ గూడి పొందు వెలయింతువే ఇంతలోనె శ్రీవేంకటేశుఁ డిట్టె నిన్నుఁగూడె ఇంతులెల్లా సంతోసాన నెంచేరు నిన్నును	॥వింటి॥