ఆంధ్రభారతి - తాళ్లపాక అన్నమాచార్య కీర్తనలు - ఇచ్చకమే సేయవద్దా యింతులకుఁ బతితోను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1942-2
సంపుటము: 29-188

తాళ్లపాక అన్నమాచార్య

రాగము: పాడి

ఇచ్చకమే సేయవద్దా యింతులకుఁ బతితోను కుచ్చి యీతని నేపొద్దూఁ గొనియాడఁ గదవే	॥పల్లవి॥
వాసులకే పెనఁగేవు వంతులకే జునిఁగేవు సేసవెట్టిన విభుఁడు చెనకఁగాను ఆసలెల్లా రేఁచేవు అట్టె చన్నులు దాఁచేవు బాసదప్ప కీతఁడు నీపై బత్తి చూపఁగాను	॥ఇచ్చ॥
కప్పురాన వేసేవు కాయమున రాసేవు చిప్పిల నాతఁడు వీచేయి వట్టఁగా చొప్పులెత్తి నవ్వేవు సొలసి కొప్పు దువ్వేవు తప్ప కీతఁడు రతికిఁ దమకించఁగాను	॥ఇచ్చ॥
చేతులెత్తి మొక్కేవు సిగ్గున మాఁట గుక్కేవు కాతరాన దానే నిన్నుఁ గాఁగిలించఁగా యీతల శ్రీవేంకటేశుఁ డిట్టె నిన్ను నేలినాఁడు ఘాతల వేఁడుకోనేలే యీతఁడు మన్నించఁగాను	॥ఇచ్చ॥