ఆంధ్రభారతి - తాళ్లపాక అన్నమాచార్య కీర్తనలు - భూపతిచెరువుచెంతఁ బొంచుక రతులకును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1943-1
సంపుటము: 29-193

తాళ్లపాక అన్నమాచార్య

రాగము: సామంతం

భూపతిచెరువుచెంతఁ బొంచుక రతులకును యే పొద్దు సతులకును యెదురు చూచీనే	॥పల్లవి॥
నవ్వులసెలవులతో నానిన చెమటలతో పువ్వుల దండలు వేరే బుజాలతోడ జవ్వన పాయముతోడ జారిన తురుముతోడ యెవ్వతెనో కూడివచ్చి యీడ నున్నాఁడే	॥భూప॥
అరవిరి బాగులతో నాయముల కరఁగులతో గరిమల నెమ్మొగము కళలతోడ సురత వాసనలతో చొక్కపు సింగారాలతో పురిగొన్న వేడుకతో భోగించీనే	॥భూప॥
పుక్కిటి విడేలతోడ పులక జొంపాలతోడ పిక్కటిలఁ దేనెలూరే పెదవితోడ యిక్కువ శ్రీవేంకటేశుఁ డిన్నిటాను నన్ను నేలె వెక్కసపుఁ దమకాన వినోదించీనే	॥భూప॥