ఆంధ్రభారతి - తాళ్లపాక అన్నమాచార్య కీర్తనలు - ఇప్పు డిదె కొలువున్నాఁ డింతులు దాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1943-2
సంపుటము: 29-194

తాళ్లపాక అన్నమాచార్య

రాగము: సాళంగనాట

ఇప్పు డిదె కొలువున్నాఁ డింతులు దాను వుప్పతిలు మహిమల నుద్దగిరి కృష్ణుఁడు	॥పల్లవి॥
గోవులఁగాచెఁ గొన్నాళ్ళు కొండ గొడగగ కావరించి మద్దులను గక్కన దొబ్బె వావులు గలయ గొల్లవనితలఁ బొందుసేసె వేవేలు చేఁతలవాఁడు వెన్నముద్ద కృష్ణుఁడు	॥ఇప్పు॥
మల్లులఁ గొందరి గొట్టె మరి కంసు బొదిగొనె తెల్లె కోడెరాకాసుల దునిమివేసె తెల్లమిగా వసుదేవ దేవకీనందనుఁ డాయ వెల్లవిరై మెరసీని వెన్నముద్ద కృష్ణుఁడు	॥ఇప్పు॥
పొంతఁ బాండవులఁ గాచె భూ భార మణఁగించె పంతముతో దేవతల బాలించెను యింతట శ్రీవేంకటాద్రి నేలినాఁడు మమ్మిందరి వింత వింత సొబగుల వెన్నముద్ద కృష్ణుఁడు	॥ఇప్పు॥