ఆంధ్రభారతి - తాళ్లపాక అన్నమాచార్య కీర్తనలు - తరుణిలో నా మనసు తా నెరఁగఁడా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1943-3
సంపుటము: 29-195

తాళ్లపాక అన్నమాచార్య

రాగము: పాడి

తరుణిలో నా మనసు తా నెరఁగఁడా తెరదీసి నే నింత తెలుపఁగవలెనా	॥పల్లవి॥
వేడుకకు నవ్వితేను వెంగెమనీ యిదియేమే వాడుమోము చూచితేను వంచుకోనేలే చూడవే తా నంతే కడు సుద్దాత్ముఁ డైతేను వోడక తా నొక్కరీతి నుండవలదా	॥తరు॥
దగ్గరఁ గూచుండితేను తప్పించుకో నదియేలే వొగ్గి చెనకితే నట్టె సిగ్గు లేఁటికే యెగ్గులుఁ దప్పులుఁ దాను యెరఁగనివాఁడైతే దిగ్గన నా మాఁట సమ్మతించి వుండవలదా	॥తరు॥
చేరి మొక్కుమొక్కితేను చెక్కు నొక్కి వేఁడనేలే గారవించఁగాఁ బెనఁగఁగ నేఁటికి యీరీతినుండి శ్రీవేంకటేశుఁడు న న్నిప్పుడేలె మేరమీర కిటులానే మెలఁగఁగవలదా	॥తరు॥