ఆంధ్రభారతి - తాళ్లపాక అన్నమాచార్య కీర్తనలు - ఈతఁడే రఘురాముఁ డీతఁ డేకాంగవీరుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1943-4
సంపుటము: 29-196

తాళ్లపాక అన్నమాచార్య

రాగము: నాట

ఈతఁడే రఘురాముఁ డీతఁ డేకాంగవీరుఁడు యీతఁడు చేసిన చేఁత లెన్నియైనాఁ గలవు	॥పల్లవి॥
ఖరదూషణాదులను ఖండ తుండములు సేసె అరుదుగా వాలి నొక్కయమ్మున నేసె సరవిఁ గొండలచేత సముద్రము బంధించె ఇరవై విభీషణుని కిచ్చె లంకారాజ్యము	॥ఈతఁ॥
కూడపెట్టె వానరుల, కుంభకర్ణాదిదైత్యుల తోడనే రావణుఁ జంపె దురముగెల్చె వేడుకతో సీతాదేవిఁ గూడెను పుష్పక మెక్కె యీడు జోడై సింహాసన మేలె నయోధ్యలోన	॥ఈతఁ॥
పుడమియంతయుఁ గాచె పొందుగాఁ దనంతలేసి - కొడుకులఁ గాంచెను కుశలవుల యెడయక శ్రీవేంకటేశుఁడై వరములిచ్చె అడరి తారకబ్రహ్మమై ఇదె వెలసె	॥ఈతఁ॥