ఆంధ్రభారతి - తాళ్లపాక అన్నమాచార్య కీర్తనలు - తారకబ్రహ్మమంత్రము తానై వున్నాఁడు రాముఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1943-5
సంపుటము: 29-197

తాళ్లపాక అన్నమాచార్య

రాగము: గౌళ

తారకబ్రహ్మమంత్రము తానై వున్నాఁడు రాముఁడు ధారుణిలోఁ జెలువొందె దశరథరాముఁడు	॥పల్లవి॥
కొండలంతలు వానరకోటులు గొలువఁగాను దండితోఁ గొలువున్నాఁడు తగ రాముఁడు అండనే సీతాదేవి యమరి కూచుండఁగాను మెండుగ సింహాసనాన మెరసీని రాముఁడు	॥తార॥
వామదేవ కౌశిక వసిష్ఠాదులవిన్నపా - లాముకొని వినుచున్నాఁ డదె రాముఁడు గోమున భరత శత్రుఘ్నులు ఛత్ర చామరాలు కామించి పట్టుకుండఁగా కడుమించీ రాముఁడు	॥తార॥
కనకపుష్పకము చెంగట వీరాసనముతో ననచి యానందాన నున్నాఁడు రాముఁడు ఘన శ్రీవేంకటాద్రిపైఁ గల్పవృక్షము నీడ హనుమంతుని చదువు లాలకించీ రాముఁడు	॥తార॥