ఆంధ్రభారతి - తాళ్లపాక అన్నమాచార్య కీర్తనలు - సేసిన చేఁతులు చెల్లె చెప్పిన మాఁటలు వింటి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1944-2
సంపుటము: 29-200

తాళ్లపాక అన్నమాచార్య

రాగము: ఆహిరి

సేసిన చేఁతులు చెల్లె చెప్పిన మాఁటలు వింటి రాసికెక్కె నీ సుద్దులు రక్షించు మమ్మును	॥పల్లవి॥
చిగురుమోవి వంచి సిగ్గువడ నేమిటికి మొగమెత్తి చూడవయ్యా మోక్కే నీకు అగుడునిట్టూరుపులు అడఁచుకొనఁదగదు నగవయ్యా వొకమాటు నాతో నీవు	॥సేసి॥
కొప్పు జారినందుకుఁగాఁ గొంచించ నేమిటికి చెప్పవయ్యా యేమాఁటైనా జేరి వినేను తొప్పఁదోఁగే చెమటలు తుడుచుకోనంతయాల అప్పుడే విసరేఁగాని అండకు రావయ్యా	॥సేసి॥
కందువైన వాసనలు కప్పిపెట్ట నేమిటికి ఇందవయ్యా జవాది ఇచ్చే నేను ఇందరిలో శ్రీవేంకటేశ నన్ను నేలితివి చెంది యొక్కమనసుతోఁ జెలరేఁగు మిఁకను	॥సేసి॥