ఆంధ్రభారతి - తాళ్లపాక అన్నమాచార్య కీర్తనలు - నిన్ను నన్ను నెంచుకొంటే నీవే నేను । నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1944-3
సంపుటము: 29-201

తాళ్లపాక అన్నమాచార్య

రాగము: పాడి

నిన్ను నన్ను నెంచుకొంటే నీవే నేను । నీవు మన్నించినదే గురుతు మరి యాడ సుద్దులు	॥పల్లవి॥
నీ తలనే వేగేనా నెలఁతలఁ బెండ్లాడేది కాతరించేవారికెల్లాఁ గలదే ఇది నాతో నేమి చేప్పేవు నన్నొడఁబరచనేల యీతల నీ చేఁతలెల్లా నియ్యకొంటి నేను	॥నిన్ను॥
యెవ్వరు నెఱఁగనివా యిలలో నీ వలపులు జవ్వనపువా రుండేటి జాడలే ఇవి తవ్వనేల యిసుకపాఁతరలు సారె సారెకు పువ్వులవంటి గుణాలు పొగడే నిపుడు	॥నిన్ను॥
మఱవఁగ వచ్చునా మనసులో తలపోఁత పెఱరేఁచి నిన్ను రట్టుపెట్టకుండునా యెఱుఁగుదు శ్రీవేంకటేశ నన్ను నేలితివి మెఱసి నీ పొందులకు మెచ్చితి నన్నిటాను	॥నిన్ను॥