ఆంధ్రభారతి - తాళ్లపాక అన్నమాచార్య కీర్తనలు - వినయాన వేఁడుకొనే వెసఁ దెరవేయరే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1945-1
సంపుటము: 29-205

తాళ్లపాక అన్నమాచార్య

రాగము: మధ్యమావతి

వినయాన వేఁడుకొనే వెసఁ దెరవేయరే చెనకఁగా నిందరిలో సిగ్గయ్యీ నాకును	॥పల్లవి॥
రాఁపుసేసి వలపులు రచ్చనేల పెట్టీనే కాఁపురము నేరుతునా కన్నెదానను పూఁపచన్ను లంటి యంటి పొందు లెంతసేసీనే దాపునఁ దల్లి మరఁగుదాన నింతే నేను	॥విన॥
సన్నలాఁ జాయల మోవిచవు లెంత చూపీనే వున్నతితో గుట్టుసేసుకుండే దానను నున్నని చెక్కులమీఁద నునుగోరే లూఁదీనే మిన్నక గోలతనపుమేలుదానను	॥విన॥
రచ్చలోన సిగ్గులెల్లా రాసు లేల పోసీనే కచ్చుపెట్టి మోక్కే యిచ్చకపుదాను యిచ్చట శ్రీవేంకటేశుఁ డేలినాఁడు నన్ను నేఁడు మెచ్చుగా బెండ్లాడిన మేనదాన నేను	॥విన॥