ఆంధ్రభారతి - తాళ్లపాక అన్నమాచార్య కీర్తనలు - ఆనతియ్యవయ్యా వినే నవీఁ గొన్నివేడుకలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1945-5
సంపుటము: 29-209

తాళ్లపాక అన్నమాచార్య

రాగము: భల్లాటి

ఆనతియ్యవయ్యా వినే నవీఁ గొన్నివేడుకలు వీనుల పండుగగాను వినోదము లెల్లాను	॥పల్లవి॥
తచ్చి నీ మోహపు కాంత తలఁపాయనో నీకు కచ్చు పెట్టి మోమునిండాఁ గళ రేఁగెను గచ్చుల నాపెఁ గాఁగిట గాఁగిలించినట్టాయనో మచ్చిక నీ మేనఁ జెమటలు గారీని	॥ఆన॥
కోమలి నీ మై నించిన గురుతు చాచుకొంటివో నామువార సెలవుల నవ్వు దేరీని ఆముక యాపె కెమ్మోవి యాస నీకు ముంచెనో కామించి మదరాగము కన్నులఁ జూపట్టెను	॥ఆన॥
పడతి నప్పుడే నీవు భావమునఁ గూడితివో కడుఁగడు మేనెల్లా గురుపారెను యెడయక శ్రీవేంకటేశ నన్ను నేలితివి వుడివోనివలపుల నోలలాడేవు	॥ఆన॥