ఆంధ్రభారతి - తాళ్లపాక అన్నమాచార్య కీర్తనలు - నావాఁడనేయంటా నమ్మిక లిచ్చేవు నాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1946-2
సంపుటము: 29-212

తాళ్లపాక అన్నమాచార్య

రాగము: ఆరిబి

నావాఁడనేయంటా నమ్మిక లిచ్చేవు నాకు కైవసమైతేఁ జాలు కాదనేనా నిన్నును	॥పల్లవి॥
వేడుకలు వెదచల్లి వేగినంతా నాపె నిన్ను వాడికలెల్లాఁజూపి వావి చెప్పెను వీడుదోడై విందువెట్టి వీడెము చేతికిచ్చె వాడసతులకు నీవు వలచేవే యిఁకను	॥నావాఁడ॥
సంగాతాలు సేసి నీతో సరసములాడి యాకె సింగారించి మర్మాలంటి చిమ్మిరేఁచెను చెంగటఁ గూచుండి నీచిత్త మిట్టె కరఁగించె అంగడివారి పొందు లసించేవా ఇఁకను	॥నావాఁడ॥
ఇచ్చకము సేసి నీకు నెంగిలిమోవి యిచ్చి మచ్చువేసినట్టు నిన్ను మరిగించెను యిచ్చట శ్రీవేంకటేశ యేలితివి నన్ను నేఁడు తచ్చనకాంతలపొందు తలఁచేవా యిఁకను	॥నావాఁడ॥