ఆంధ్రభారతి - తాళ్లపాక అన్నమాచార్య కీర్తనలు - మూసి మంతనములేల ముంచి వెల్లవిరిగాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1947-2
సంపుటము: 29-218

తాళ్లపాక అన్నమాచార్య

రాగము: వసంతం

మూసి మంతనములేల ముంచి వెల్లవిరిగాను సేసవెట్టి పెండ్లాడితే చేరి వద్దనేనూ	॥పల్లవి॥
తెరమరఁగున నుండి తేఁకువతో నాయకుని విరుల నెంత వేసేవే వేమారును అరిమురి నేఁడు నీకు నంత వలపుగలిగితే సరసఁ గూచుండి మోవి చవి చూపరాదా	॥మూసి॥
అవ్వలిమోము సేసుక యంతలోనే రమణుని నవ్వుచుఁ గివగోరేల నాఁటించేవే యెవ్వరూ నేమి చెప్పేరు యింత నీకు వేడుకైతే చివ్వన గాఁగిట నించి చిమ్మరేఁచరాదా	॥మూసి॥
చెక్కిటఁ జేయి వెట్టుక శ్రీవేంకటేశ్వరుని నిక్కి యేమి చూచేవే నివ్వెరగుతో నెక్కొని న న్నితఁడేలె నీకూఁ గొంత చుట్టమైతే మొక్కు మొక్కి వేఁడుకొని ముచ్చటాడరాదా	॥మూసి॥