ఆంధ్రభారతి - తాళ్లపాక అన్నమాచార్య కీర్తనలు - ఎన్నటి పొందో నీకు యీకె యెంత చుట్టమో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1948-1
సంపుటము: 29-223

తాళ్లపాక అన్నమాచార్య

రాగము: పాడి

ఎన్నటి పొందో నీకు యీకె యెంత చుట్టమో పన్నుకొని వుండఁగాను పరాకులేలయ్యా	॥పల్లవి॥
కడు వేడుకతో నీకు గతలు చెప్పీ నాపె వుడివోని సంతోసాన నూఁకొనవయ్యా అడియాలముగఁ జన్ను లదె కానుకసేసీని బడివాయ కిట్టె తప్పక చూడవయ్యా	॥ఎన్న॥
వెలయఁగ మోవితేనె విందులు వెట్టీ నాపె కొలువులో నిట్టె చవిగోనవయ్యా చెలఁగి నవ్వు ముత్యాలు సేసలు చల్లీ నీకు కలసి మెలసి నీవూఁ గైకొనవయ్యా	॥ఎన్న॥
చొక్కపు రతులనే జూజములడీ నాపె వెక్కసమేల పంద్యాలు వేయవయ్యా ఇక్కడనే శ్రీవేంకటేశ నన్ను నేలితివి చక్కగా మా యిద్దరితో సరసమాడవయ్యా	॥ఎన్న॥