ఆంధ్రభారతి - తాళ్లపాక అన్నమాచార్య కీర్తనలు - పిలువ వచ్చితి నేను ప్రియురాలి కడనుండి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1948-3
సంపుటము: 29-225

తాళ్లపాక అన్నమాచార్య

రాగము: సింధురామక్రియ

పిలువ వచ్చితి నేను ప్రియురాలి కడనుండి యెలమి నా మాటవిని యింటికి రావయ్యా	॥పల్లవి॥
పచ్చిదేరి వలపులు పడఁతికి నీకు నేఁడు కొచ్చి కొచ్చి తమకము గుబ్బతిలీని విచ్చన విడాయను వేడుకతో సరసాలు యెచ్చుగుందు రిఁక నేల యింటికి రావయ్యా	॥పిలు॥
నివ్వటిల్లె వయసులు నెలఁతకు నీకు నేఁడు వువ్విళ్ళూరీ మీలోని వొడఁబాటులు చివ్వనఁ బురిగొనెను చిగిరింత సిగ్గులు యెవ్వరూ నేమి చెప్పేరు యింటికి రావయ్యా	॥పిలు॥
అందుకొనె నాసలు అంగనకు నీకు నేఁడు కందువ రతులు తారుకాణాలాయను పొందుగా శ్రీవేంకటేశ భోగించితి వీకెను యిందరూ మెచ్చిరి నిన్ను యింటి కిట్టె రావయ్యా	॥పిలు॥