ఆంధ్రభారతి - తాళ్లపాక అన్నమాచార్య కీర్తనలు - మేలు మేలు యీ కీర్తి మిక్కిలిఁ గట్టుకొంటివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1948-5
సంపుటము: 29-227

తాళ్లపాక అన్నమాచార్య

రాగము: సాళంగం

మేలు మేలు యీ కీర్తి మిక్కిలిఁ గట్టుకొంటివి నీ లాగులెల్లాఁ జూచి నీకు మొక్కే నేను	॥పల్లవి॥
యే లాటా లాపెతోడ నెటువలె నాడితివో మేలమాడ నేర్తువంటా మెచ్చీ నిన్ను లాలించి మనసేరితి లలిఁగరఁగించితివో పోలించి యందరిలోనాఁ బొగడీని నిన్ను	॥మేలు॥
యేకతాననుండి నీవు యెంత చనవిచ్చితివో తూకొని వేడుకతో సంతోసించి నిన్ను జోకగా నేమిట నీవు చొక్కఁగఁ జేసితివో యేకడా జాణఁడవంటా యెంచీని నిన్ను	॥మేలు॥
నెట్టుక రతుల నెట్టు నీవు గాఁగిలించితివో జుట్టవేలఁ బలుమారుఁ జూపీ నిన్ను గుట్టుతో శ్రీవేంకటేశ కూడితివి నన్ను నేఁడు అట్టె నా వావి చెప్పి తా నాదరించీ నిన్ను	॥మేలు॥