ఆంధ్రభారతి - తాళ్లపాక అన్నమాచార్య కీర్తనలు - తానే ముందుగా వచ్చి తడవె నన్ను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1948-6
సంపుటము: 29-228

తాళ్లపాక అన్నమాచార్య

రాగము: నాదరామక్రియ

తానే ముందుగా వచ్చి తడవె నన్ను ఆనుకొని వసంతములాడితి నే వెనక	॥పల్లవి॥
కొలువులో నుండఁగానే కుంకుమ నాపైఁ జల్లె చిలుకఁజిమ్మనఁగోవిఁ జిమ్మితి నేను కలువలఁ గొనివేసె కమ్మటిఁ దా నామీఁద వెలిఁదమ్మిగుత్తిఁ గొని వేసితి నేను	॥తానే॥
తగిలి వెంట నే వచ్చి తనజడవట్టితేనే మగిడి నా చన్నులు నెమ్మదిఁ బట్టెను చిగిరుబంతిఁగొని వేసితి నప్పటి నేను మొగము చూడఁగానే మోవి గంటి సేసెను	॥తానే॥
పాఁగిన తమకమున పన్నీరు నాపయి నించె చేఁగదేరఁ జేయివట్టి చిమ్మితి గోర యేఁగివచ్చి శ్రీవేంకటేశుఁడు నన్ను మన్నించి కాఁగిలించి పట్టుకొని కళలు రేఁగించెను	॥తానే॥