ఆంధ్రభారతి - తాళ్లపాక అన్నమాచార్య కీర్తనలు - వెలఁది సొబగులివి విన్నవించితిమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1949-2
సంపుటము: 29-230

తాళ్లపాక అన్నమాచార్య

రాగము: పాడి

వెలఁది సొబగులివి విన్నవించితిమి నెలకొని ఇఁకఁ గరుణించవయా	॥పల్లవి॥
చెలపల చెలపల చెమటలు గారీ వలపునఁ బొడమిన వానలివి సొలపుల సొలపుల చూపులు వొదలీ తెలుపుగ వెన్నెల తేటలివి	॥వెలఁ॥
బుసబుసమను నూర్పులు చిగిరించీ వసంతకాలపువరుసలివి మిస మిసఁ గాంతులు మెరుఁగులు వారీ యెసఁగిన విరహపు టెండలివి	॥వెలఁ॥
మది మదిఁ గోర్కుల మంచులు గురిసీ మదనుని యలహేమంత మిది యిదె యిదె శ్రీవేంకటేశ యింతిఁ గూడితి వదలనికాఁగిళ్ళవాడికలివి	॥వెలఁ॥