ఆంధ్రభారతి - తాళ్లపాక అన్నమాచార్య కీర్తనలు - ఎంత వేగిరకాఁడవు యేమందు నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1950-4
సంపుటము: 29-238

తాళ్లపాక అన్నమాచార్య

రాగము: శుద్ధవసంతం

ఎంత వేగిరకాఁడవు యేమందు నేను వింత వింత రతులను వినోదించేవు	॥పల్లవి॥
వెలఁది నిన్ను దగ్గరి విన్నపాలు సేయఁగాను చిలిమి బలిమి నాపెచన్నులంటేవు పలుమారు వేడుకతో బాగాలు చేతికియ్యఁగా మొలక నవ్వులతోడ మోవి యానేవు	॥ఎంత॥
పనివూని నీ కాపె పాదములొత్త రాఁగాను చెనకి కుచ్చెలమీఁదఁ జెయి చాఁచేవు వినయముతో నీకు విరులు ముడువఁగాను మనసు పట్టఁగలేక మర్మము లంటేవు	॥ఎంత॥
వుక్కుమీరి యాపె నీకు వూడిగాలు సేయఁగాను పిక్కటిలఁ గాఁగిటను బిగియించేవు యిక్కడ శ్రీవేంకటేశ యేలితివి నన్ను నేఁడు చొక్కుచు నాపెతోడ నా సుద్దులు చెప్పేవు	॥ఎంత॥