ఆంధ్రభారతి - తాళ్లపాక అన్నమాచార్య కీర్తనలు - ఈకెను మన్నించవద్దా ఇంతటనైనా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1950-5
సంపుటము: 29-239

తాళ్లపాక అన్నమాచార్య

రాగము: ఆహిరి

ఈకెను మన్నించవద్దా ఇంతటనైనా చేకొని యీరీతి నీ సేవలెల్లాఁ జేసెను	॥పల్లవి॥
వినయముతో నీకు విన్నపము సేయుమని తనమారు చెలి నంపెఁ దరుణి చనవునఁ దనమారు సాగిలి మొక్కించుమని కనకపుబొమ్మ నంపెఁ గనుఁగొనవయ్యా	॥ఈకె॥
నించి తనమారు యిట్టె నిన్ను సింగారించుమని మించిన పూదండ యంపె మెలుఁత నేఁడు పంచనుండి తనమారు పంతము నీ కిమ్మని అంచెల ముంజేతి చిల్క నంపెను నీవద్దికి	॥ఈకె॥
నెలకొని తనమారు నీకుఁ బాదాలొత్తుమని మెలుపున వజ్రాల మించు లంపెను నిలిచి శ్రీవేంకటేశ నెట్టవఁ దానె వచ్చి కళలంటి వేఁడుకొని కాఁగిలించె నిన్నును	॥ఈకె॥