ఆంధ్రభారతి - తాళ్లపాక అన్నమాచార్య కీర్తనలు - వలపు లధికము సేయు వైభవములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 24-4
సంపుటము: 1-146

తాళ్లపాక అన్నమాచార్య

రాగము: శ్రీరాగం

^[1]వలపు లధికము సేయు వైభవములు తలఁపు లధికము సేయుఁ దలపోఁతలు	॥వలపు॥
కోప మధికము సేయుఁ గోరికలు తాప మధికము సేయుఁ దమకంబులు కోపంబుఁ దాపంబుఁ గూడ నధికము సేయు యేపయిన మోహముల నేమందమే	॥వలపు॥
మచ్చి కధికము సేయు మన్ననలు యిచ్చ లధికము సేయు నీరసములు మచ్చికలు నిచ్చలును మగుడ నధికము సేయు నెచ్చరిక కూటముల నేమందమే	॥వలపు॥
అంద మధికము సేయుఁ నైక్యములు పొందు లధికము సేయుఁ బొలయలుకలు అందములుఁ బొందులును నలర నధికము సేయు నెందు నరుఁదగు వేంకటేశు కృపలు	॥వలపు॥

^[1] ఇది ఒకపాటి శృంగారకీర్తనల ఛాయలోనిది.