ఆంధ్రభారతి - తాళ్లపాక అన్నమాచార్య కీర్తనలు - నీ చిత్తము నా భాగ్యము నేరుపు లింకే మున్నవి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1951-6
సంపుటము: 29-246

తాళ్లపాక అన్నమాచార్య

రాగము: నాగవరాళి

నీ చిత్తము నా భాగ్యము నేరుపు లింకే మున్నవి చూచినట్టు వచ్చీనా సూటితో వలపులు	॥పల్లవి॥
యితవైతే మాఁటలు యెన్న్తెనా నాడఁగవలె మతికి వెగటైతేను మానఁగవలె కుతిలపు రారాఁపులఁ గొసరిఁగఁబోతేను చుతురత లెన్న్తెనాఁ జవులు గాఁబోయీనా	॥నీచిత్త॥
చెల్లుబళ్లయితేను సేవలు సేయఁగవలె వొల్లకుంటే గుట్టుతోడ నుండఁగవలె పల్లదాన చనవులు పచారించఁబోతేను వుల్లములో వేడుకలై యుండఁబోయీనా	॥నీచిత్త॥
చుట్టరిక మబ్చితేను సొలసి చూడఁగవలె వట్టి పొందులైతే తలవంచుకోవలె యట్టె శ్రీవేంకటేశ యేలితివి నన్ను నేఁడు మట్టులేని నీ రతులు మరచితేఁబోయినా	॥నీచిత్త॥