ఆంధ్రభారతి - తాళ్లపాక అన్నమాచార్య కీర్తనలు - ఎరఁగము నీ సుద్దులు యిందాఁకాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1952-3
సంపుటము: 29-249

తాళ్లపాక అన్నమాచార్య

రాగము: కుంతలవరాళి

ఎరఁగము నీ సుద్దులు యిందాఁకాను పెర రేఁపులనే యాస పేరఁ బెట్టేవటవే	॥పల్లవి॥
చుట్ట చుట్టి వచ్చి నీవు చూచే వాతని మోము పొట్టఁబొరుగున నీకుఁ బొందు గద్దటే కట్టెదుర నుండి మతి గరఁగేవు సారె సారె వట్టి మాకు లిగిరించ వలచితివటవే	॥ఎరఁ॥
మందలించి మందలించి మాటలాడే వప్పటిని అందుకొన్న నీ తమక మాఁపలేవటే విందు చెప్పే నెపమున వేఁడుకొనే విటు వచ్చి చందమామ గుటుకలు చవిచూపేవటవే	॥ఎరఁ॥
నంటు చూపి నంటు చూపి నవ్వేవు సెలవుల అంటిము ట్టితనికి నీ వాలవటవే యింటిలో శ్రీవేంకటేశుఁ డేలినాఁడు నన్ను నేఁడు జంటలైన రతులు తోడంటువెట్టేవటవే	॥ఎరఁ॥