ఆంధ్రభారతి - తాళ్లపాక అన్నమాచార్య కీర్తనలు - నీ వేమి సేసినాను నీకుఁ జెల్లును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1953-1
సంపుటము: 29-253

తాళ్లపాక అన్నమాచార్య

రాగము: శుద్ధదేశి

నీ వేమి సేసినాను నీకుఁ జెల్లును వేవేలు చందాలను వేఁడుకొనే నిన్నును	॥పల్లవి॥
మాఁటలు నాతో నాడుతా మళ్లి చూచే వేమి నీవు ఆఁట దెవ్వతో చూచీనంటానో నిన్ను చాటువెట్టుకొని కొంత సన్నలు సేసేవు నాతో మాటిచ్చుకున్నాఁడవో మరియు నాపెకును	॥నీవేమి॥
వొద్దఁబండ్డుండి యవ్వల నొగిఁ జోటిచ్చుకుండేవు నిద్దరించేవేళ నాపె నీవుఁ గూడేవో వొద్దికఁ బుక్కిట దాఁచుకున్నాఁడవు తములము చద్ది గట్టిపెట్టితివో సరుగ నాపెకును	॥నీవేమి॥
పొంకముగా జాగరాలఁ బొద్దువుచ్చ వాపెను కంకణము గట్టి తొల్లె కలసితివో అంకెల శ్రీవేంకటేశ అంతలో నన్నేలితివి ఇంక నీకు వెఱపులే దెరుఁగదు నవ్వితి	॥నీవేమి॥