ఆంధ్రభారతి - తాళ్లపాక అన్నమాచార్య కీర్తనలు - ఇంక నిన్ను దూరను యియ్యకొంటి నీ యానతి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1953-5
సంపుటము: 29-257

తాళ్లపాక అన్నమాచార్య

రాగము: శ్రీరాగం

ఇంక నిన్ను దూరను యియ్యకొంటి నీ యానతి కంకణము గట్టితి వీకాలమునాఁడే	॥పల్లవి॥
యెన్ని లేవు విన్నపాలు యిట్టె సేసేనంటే నీకు మన్నించినదే గురుతు మాకు నీవు సన్నలు చాలుఁగలవు సారెఁ బాచారించేనంటె వన్నెల మా యింటికి వచ్చుటే గురుతు	॥ఇంక॥
యెంతని చెప్పుదు మోహ మిట్టె నీకుఁ జూపెనంటే యింతగా లాలించినదే యెక్కుడు నాకు వంతుల కలివి యేది వాసులు వట్టేనంటే చెంతనుండి నాతో పొందుసేసినదే గురుతు	॥ఇంక॥
యెక్కడ గొలఁది సేవలిట్టే నేఁ గావించేనంటే యిక్కడ నన్నేలినదే యింపు నాకు నెక్కొని శ్రీవేంకటేశ నీకు నే మొక్కేనంటే లెక్క యేది నీ వేలినలీలలే గురుతు	॥ఇంక॥