ఆంధ్రభారతి - తాళ్లపాక అన్నమాచార్య కీర్తనలు - మన్నించుఁగాక వట్టి మరఁగులేలే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1954-4
సంపుటము: 29-262

తాళ్లపాక అన్నమాచార్య

రాగము: కన్నడగౌళ

మన్నించుఁగాక వట్టి మరఁగులేలే తిన్నని నా గుణాలివి తెలుసుకొమ్మనవే	॥పల్లవి॥
మొగము చూచినప్పుడే మునుకొనె నాసలు నగినప్పుడే వెలసె ననుపులెల్లా తగిలి మాఁటాడితేనే తలపోఁత లీడేరె మగఁడాయ నాకుఁ దాను మనసేమి చూచీనే	॥మన్నించు॥
సరుసఁ గూచున్నప్పుడే జంటాయఁ జుట్టరికము తెరదీసినప్పుడే పొందిక లమరె సరసమాడినప్పుడే సతమాయ భోగములు మరుతంత్రములతోడ మనసేమి చూచీనే	॥మన్నించు॥
మేనులు సోఁకినప్పుడే మేరసె సంతోసము తేనె మోవిచ్చినప్పుడే తేరెఁ బనులు తానె వచ్చి నన్నుఁ గూడె తగ శ్రీవేంకటేశుఁడు మానాపతినైన నా మనసేమి చూచీనే	॥మన్నించు॥