ఆంధ్రభారతి - తాళ్లపాక అన్నమాచార్య కీర్తనలు - తన గురుతులు మేనఁ దారుకాణలై యుండఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1955-5
సంపుటము: 29-269

తాళ్లపాక అన్నమాచార్య

రాగము: ముఖారి

తన గురుతులు మేనఁ దారుకాణలై యుండఁగా పెనఁగుచు నవ్వులేల పెంచీనే తాను	॥పల్లవి॥
మాట లెన్త్నెనాఁ గలవు మళ్లి మళ్లి యాడితేను పేటలుగా నాన లేల పెట్టినే తాను నీటుల తన సుద్దులు నిన్ననే వింటి నేను పాటించి న న్నేల వొడఁబరచీనే తాను	॥తన॥
తక్కులెన్త్నెనా గలవు తవ్వి తవ్వి పోసితేను మిక్కిలి యంతేశి నమ్మించీనే తాను గక్కున తనచేఁతలు కన్నులారాఁ గంటి నేను కక్కసించి మనసేల కరఁచీనే తాను	॥తన॥
పొందులెన్త్నెనాఁ గలవు పొంచి పొంచి కూడేనంటే ముందు ముందుగా నన్నేల ముట్టీనే తాను చెందె నలమేల్మంగను శ్రీవేంకటేశుఁడు తాను అందుకొంటి విడె మేల యడిగీనే తాను	॥తన॥