ఆంధ్రభారతి - తాళ్లపాక అన్నమాచార్య కీర్తనలు - ఇదివో నా మోహము నీ కెంతని చెప్పుదు నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1957-3
సంపుటము: 29-279

తాళ్లపాక అన్నమాచార్య

రాగము: పాడి

ఇదివో నా మోహము నీ కెంతని చెప్పుదు నేను కదిసి నీ మోము చూచి కన్ను మూయఁజాలను	॥పల్లవి॥
వొత్తి నిన్ను దూరనోప వొట్టులు వెట్టఁగనోప హత్తి నీతో నిచ్చకము లాడేఁగాని కొత్తగాఁ గొసరనోప గోరికొన గీరనోప చిత్తమురా సేవలిట్టె సేసేఁగాని	॥ఇది॥
పెనఁగి గుంపించనోప బీరము చూపఁగనోప ననుపు సేసుక నీతో నవ్వేఁగాని పొనుఁగుచు దాఁగనోప బొమ్మల జంకించనోప వినయాన మొక్కి నిన్ను వేఁడుకొనేఁగాని	॥ఇది॥
సిగ్గుతో నలుగనోప శిరసు వంచఁగనోప వొగ్గి మోవి తేనెకు నోరూరేఁగాని వెగ్గళముగా నన్ను శ్రీవేంకటేశ యేలితివి యెగ్గు లెంచనోప నిన్ను నిట్టె మెచ్చేఁగాని	॥ఇది॥