ఆంధ్రభారతి - తాళ్లపాక అన్నమాచార్య కీర్తనలు - గురి గడవఁగరాదు కొమ్మ నీ రతులకును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1957-6
సంపుటము: 29-282

తాళ్లపాక అన్నమాచార్య

రాగము: నాదరామక్రియ

గురి గడవఁగరాదు కొమ్మ నీ రతులకును విరివైన రతులకు వేడుక లివి గురి	॥పల్లవి॥
మచ్చికలకునుఁ బచ్చి మాఁటలే గురి యిచ్చికపు మాఁటలకు యింపులు గురి నచ్చుకొట్టే యింపులకు నవ్వులు గురి అచ్చపు టింపులకును ఆసలు గురి	॥గురి॥
కూడే యాసలకుఁ జెనకు లివి గురి జోడైన చెనకులకు చూపులు గురి వాడిక చూపులకు వాసులు గురి మేడెపు వాసులకును మెచ్చులు గురి	॥గురి॥
మునుకొన్న మెచ్చులకు మోవులు గురి పెనగొన్న మోవులకు ప్రియాలు గురి ననుపుఁ బ్రియాలకు వినయాలు గురి వినయపు సతికి శ్రీవేకంటేశుఁడే గురి	॥గురి॥