ఆంధ్రభారతి - తాళ్లపాక అన్నమాచార్య కీర్తనలు - తా నెంత నీ వెంత తగిలి తగిలి నిన్నుఁ - - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1958-1
సంపుటము: 29-283

తాళ్లపాక అన్నమాచార్య

రాగము: దేసాళం

తా నెంత నీ వెంత తగిలి తగిలి నిన్నుఁ - బూని వలపించి యీకె పొదలెఁ గదవయ్యా	॥పల్లవి॥
చిడుముడిఁ వూడిగాలు సేసిసేసి యాపె నీకు కడుఁ జనవరి యాయఁగదవయ్యా నడుమ నూరక నీతో నవ్వి నవ్వి రాజసాన వెడఁగుగర్వాన విఱవీఁగీఁ గదవయ్యా	॥తానెంత॥
మక్కళించి యాపె నీతో మాఁట లాడి యాడి నీకు గక్కననుఁ జుట్టమాయఁ గదవయ్యా చిక్కించుక కొలువులు సేసిసేసి నిలుచుండి వెక్కసపుఁ బంతుములే వెలసెఁ గదవయ్యా	॥తానెంత॥
వొపికతోఁ జన్నుల నిన్నొత్తి యొత్తి యాపె నీకుఁ గాఁపురాలు సేయ నేర్చెఁ గదవయ్యా యేపున శ్రీవేంకటేశ యేలితివి నన్ను నేఁడు నీ పొందులఁ దా నింటిలో నిలిచెఁ గదవయ్యా	॥తానెంత॥