ఆంధ్రభారతి - తాళ్లపాక అన్నమాచార్య కీర్తనలు - ఇంతికిని నీకుఁ దగు నిటువంటి నేరుపులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1958-4
సంపుటము: 29-286

తాళ్లపాక అన్నమాచార్య

రాగము: సామంతం

ఇంతికిని నీకుఁ దగు నిటువంటి నేరుపులు పొంతఁ గలకాలమును భోగించరయ్యా	॥పల్లవి॥
నిలిచి నవ్విన నవ్వు నివ్వెరగు నొందించు సొలసి చూచిన చూపు చొక్కించును పిలిచి యాడిన మాఁట ప్రియమెల్లాఁ బుట్టించు తలఁచి మెచ్చిన మెచ్చు తమిరేఁచును	॥ఇంతి॥
చెనకి సేసిన చెలిమి చిత్తంబు గరఁగించు వినయంబు గలపొందు వెలయించును పెనఁగి పెట్టిన విందు బెరసి చవి వుట్టించు ననుపైన సరసంబు నానాఁటఁ బొదలు	॥ఇంతి॥
తగిలి వలచిన వలపు తరితీపు వుట్టించు మొగమోట నెయ్యంబు మొక్కించును మిగుల శ్రీవేంకటేశ మెలుఁత నిటు గూడితివి చిగురుఁ గోరికలు మిముఁ జెంగలింపించు	॥ఇంతి॥