ఆంధ్రభారతి - తాళ్లపాక అన్నమాచార్య కీర్తనలు - చెప్పఁ గొత్తలాయఁ గదె చెలియ నీ సుద్దులెల్లా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1959-2
సంపుటము: 29-290

తాళ్లపాక అన్నమాచార్య

రాగము: ఆహిరి

చెప్పఁ గొత్తలాయఁ గదె చెలియ నీ సుద్దులెల్లా ముప్పిరిగొన్న వలపు మూల దాఁచ నేఁటికి	॥పల్లవి॥
చనుఁగొండల మీఁదట చఁదోదయములాయ ఘనముగా వెన్నెలలే కాయవుగాని పెనగొన్న చిగురుపై పెనువాన లుప్పతిలె యెనసియు వాడుదేరదేయోకాని	॥చెప్పఁ॥
అంచెలఁ జీఁకటితీగె లటునిటు నిండుకొనె కొంచించక యట్టె పొద్దు గుంకదుగాని పొంచి కెందామరలు గొబ్బున వికసించెను ముంచుకొని తుమ్మిదలే మూఁగవుగాని	॥చెప్పఁ॥
గక్కన నద్దములోనఁ గళలు మెరువఁ జొచ్చె వుక్కుమీరి మేఘము లెందున్నవోకాని ఇక్కడ శ్రీవేంకటేశుఁ డిఁతలోనె నిన్ను నేలె పక్కన మరుఁడే నీకుఁ బంత్తమిచ్చెఁగాని	॥చెప్పఁ॥