ఆంధ్రభారతి - తాళ్లపాక అన్నమాచార్య కీర్తనలు - ఏమి చెప్పుకొనేవే యింతులతో నీ యెమ్మెలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1959-5
సంపుటము: 29-293

తాళ్లపాక అన్నమాచార్య

రాగము: శుద్ధవసంతం

ఏమి చెప్పుకొనేవే యింతులతో నీ యెమ్మెలు వేమరు నీ గుట్టు వెల్లవిరిసేయ నేఁటికే	॥పల్లవి॥
కలికితనాల నీవు కాఁపురాలు సేయఁగాను వలవ కెట్టుండునే రవ్వగా మగఁడు చలిమి బలిమితోడ జాణతనా లాడఁగాను సులబాన నీ కతఁడు చొక్కవలెఁగదవే	॥ఏమి॥
యెన్నికతో నేపొద్దూ యెదుటఁ గాచుకుండఁగాను మన్నించ కెట్టుండునే మరి యాతఁడు సన్నలనే మోవి తేనె చవులెల్లాఁ జూపఁగాను మిన్నక నీ చేఁతలకు మెచ్చవలెఁగదవే	॥ఏమి॥
కమ్మి సింగారించుకొని కాఁగిటఁ బెనఁగఁగాను సమ్మతించ కెట్టుండునే సరుగదాను యిమ్ముల శ్రీవేంకటేశుఁ డితఁ డిట్టె నన్ను నేలె నమ్మించి నీ కతలకు నవ్వవలెఁగదవే	॥ఏమి॥