ఆంధ్రభారతి - తాళ్లపాక అన్నమాచార్య కీర్తనలు - వాసితో నుండఁగా నీవే వచ్చేవుగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1959-6
సంపుటము: 29-294

తాళ్లపాక అన్నమాచార్య

రాగము: శంకరాభరణం

వాసితో నుండఁగా నీవే వచ్చేవుగాక ఆసతో సిగ్గువిడిచి అలయనేలా	॥పల్లవి॥
నిండు వావిసేసుకొని నీతో నాపె నవ్వఁగాను అండనున్నవారు చూచి యాఁకారనేల కొండలు వంటి చన్నులఁ గోరి యాపె నిన్నొత్తఁగా బండు బండై యట్టె తప్పక చూడనేలా	॥వాసి॥
మచ్చికతో నీవూ నాపె మాఁటలాడుకొనఁగాను విచ్చనవిడి నాలించి వినఁగనేలా కచ్చుపెట్టి యప్పటిని కాఁగిలించుకుండఁగాను కుచ్చితాన లోలోనే గుబ్బతిలనేలా	॥వాసి॥
ఆకె నీతములానకు నట్టె చే యొగ్గఁగాను ఆకడి వారితో మిమ్ము నాడుకోనేలా యీకడ శ్రీవేంకటేశ యింతలో నన్నేలితివి పైకొని నీ చేఁతలిఁకఁ బచారించనేలా	॥వాసి॥