ఆంధ్రభారతి - తాళ్లపాక అన్నమాచార్య కీర్తనలు - ఆఁటదాని నన్ను నేఁటి కారడిఁ బెట్టీఁ దాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1960-1
సంపుటము: 29-295

తాళ్లపాక అన్నమాచార్య

రాగము: భైరవి

ఆఁటదాని నన్ను నేఁటి కారడిఁ బెట్టీఁ దాను గాఁటముగ నెదురాడి కాదనేటి దాననా	॥పల్లవి॥
వేడుక గలిగితేను విడిదికి రానీవే యేడనైనా నాతోను యేల నవ్వీని వాడిక వలసితేను వద్దఁ గూచుండనీవే వోడక నన్నేల యింత వొరసి చూచీని	॥ఆఁట॥
తనకు నే బాఁటైతే తగఁ బెండ్లాడనీవే తనియక యెన్ని జాణతనా లాడీని పని గలిగితే నాకు బాగాలు వెట్టనీవే చెనకి మోవి సన్నలు సేసి యేమి చూపీని	॥ఆఁట॥
కరుణ నాపైఁ గలిగితే కాఁగిలించుకోనీవే విరుల వేసి నన్నెంత వేఁడుకొనీని యరవై శ్రీవేంకటేశుఁ డింతలోనె నన్ను నేలె మరిగి వుండనీవే మనసెంత రేఁచీని	॥ఆఁట॥